O I Concurso de Nadal da Asociación de Amigos do Museo de Historia Natural da USC xa ten gañadores

A Asociación de Amigos do Museo de Historia Natural da USC xa ten gañadores do seu I Concurso de Nadal, que establecía catro premios en función do tramo de idade. Os sesenta e tres traballos presentados, a maioría entre 9 e 17 anos, tiveron como temática común os minerais.

Na categoría de 5 a 8 anos resultou vencedora Ánxela Maneiro Pérez, de 8, polo seu traballo Minerais na nosa vida . Na segunda categoría, de 9 a 13, gañou David Gutiérrez Fernández, de 11 anos, por Talco, óxido de ferro e serpentina . Sergio García Coira, un rapaz de 14 anos, venceu co traballo Azurita e, finalmente, na categoría de 18 anos ou máis a gañadora foi Begoña Moreiras España por Diamantes .

O xurado estivo formado pola xunta directiva da Asociación: a vicepresidenta e directora do Museo, Mabel Fraga; o tesoureiro, Roberto Almuiña Díaz; o secretario, Francisco Caamaño Isorna; e os vogais Rosario García-Echave López, José Luis Veiga Goy, Adela Vázquez Vázquez, Manuel Sanmartín Durán e Felipe Bárcena Varela de Limia.

Todos os gañadores levarán como premio unha tablet, que será entregada o día 23 de febreiro nun acto que presidirá o reitor ás 19.00 horas no propio museo.