Condena do atentado na Universidade de Garissa

A Universidade de Santiago de Compostela fai seu o comunicado da Conferencia de Reitores das Universidades Españolas en apoio e solidariedade coas vítimas dos atentados perpetrados na Universidade de Garissa, en Kenia, así como cos familiares, amizades e compañeiros e co conxunto do pobo keniata. “A Universidade é e ten que ser ser, como a sociedade no seu conxunto, un espazo de liberdade para o pensamento e as crenzas”. Por iso, a comunidade universitaria mostra a súa máis enérxica repulsa por calquera acto de terror contra estes dereitos fundamentais á vez que proclama “o entendemento entre toda a cidadanía independentemente da relixión que profese”.