O I Campionato Galego Universitario de Tenis cita en Lugo unhas 20 raquetas das tres universidades galegas

O I Campionato Galego Universitario de Tenis, un torneo promovido de xeito conxunto polos servizos de deportes da USC, UVigo e Universidade da Coruña, citará este mércores no Pazo de Feiras e Congresos de Lugo, uns 20 tenistas, entre estudantes e PDI, procedentes das tres universidades galegas.

A competición desenvolverase en quenda de mañá, a partir das 10.00 horas, nas pistas de tenis que veñen de ser inauguradas no Pazo de Feiras e Congresos de Lugo, o mesmo escenario que acubillará a entrega de trofeos. A vicerreitora de Servizos Universitarios do campus de Lugo, Carme Silva Domínguez, será e encargada de entregar os galardóns aos mellores clasificados no marco dun acto previsto cara as 14.00 horas. A USC contará con catro representantes nesta primeira edición do Campionato Galego Universitario de Tenis, unha cita ao que a Universidade de Vigo acude con seis representantes, mentres que a UDC, a única das universidades galegas que presenta equipo feminino completo, concorre ao torneo con oito tenistas.