Debate sobre a universidade na sociedade actual

Coa fin de reflexionar sobre o papel da universidade na sociedade e as demandas que xorden desta última, a Asociación de Antigos Alumnos e Amigos da USC que preside a profesora Benita Silva Hermo reúne este xoves 23 a influentes persoeiros da vida universitaria. Deste xeito, a partir das 19:30 horas na Sede Afundación Santiago (Rúa do Vilar, 19) participarán na mesa redonda ‘A universidade na sociedade do s. XXI’ o secretario xeral de Universidades da Xunta de Galicia, José Alberto Díez de Castro; o presidente de RedEmprendia e ex reitor da USC, Senén Barro Ameneiro; a catedrática de Filoloxía Románica e coordinadora da Rede de Estudos Medievais Interdisciplinares, Mercedes Brea López; e o director xeral de Ramsa e Cuarzos Industriales e licenciado en Química pola USC, Roberto Almuíña Díaz.