A USC e Aresa asinarán este mércores o convenio para a convocatoria do Premio Aresa de Desenvolvemento Rural 2015

O reitor da USC, Juan Viaño, e o presidente do Grupo Aresa, Álvaro Rodríguez Eirás, firmarán este mércores 8 o convenio de colaboración que impulsará a décimo sexta edición do Premio Aresa de Desenvolvemento Rural. Nunha sesión ás 11.00 horas no Salón Reitoral do Colexio de San Xerome, no acto de sinatura tamén estará presente o vicerreitor de Coordinación do Campus de Lugo, Javier Bueno Lema. A USC e Aresa veñen apoiando dende o ano 2000, data da primeira convocatoria do Premio, aquelas iniciativas que contribúen á mellora do medio rural, promovidas por entidades, empresas, investigadores ou outras persoas que compartan o interese polo progreso e a innovación do sector primario e o traballo neste ámbito.