O grupo de Medicina Xenómica participa nun estudo internacional que avanza na comprensión da base molecular das arritmias cardíacas

O intervalo QT é unha das medidas que rexistra o electrocardiograma para reflexar a repolarización cardíaca. A súa prolongación ou acortamento está asociado ao risco de padecer arritmias ventriculares e mesmo morte súbita cardíaca. A súa detección pode ser indicativa de dúas cardiopatías hereditarias, a síndrome de QT longo ou QT curto, respectivamente. Mediante un estudo entre unha poboación con máis de 100.000 individuos acaban de identificarse 35 xenes asociados (22 novos e outros 13 xa identificados previamente) que sinalan, entre unha variedade de opcións, a importancia da regulación do calcio na repolarización cardíaca. O profesor Ángel Carracedo, xunto a María Torres e Maria Brion do Grupo de Medicina Xenómica, figuran como asinantes dun artigo na revista Nature Genetics no que participa un equipo que involucra a centros de todo o mundo. O equipo galego analizou preto de 1.000 individuos de Galicia no Centro Nacional de Xenotipado. Esta análise xenética a grande escalarealizado ao longo de tres anos ten importancia para entender a base molecular das arritmias cardíacas e dos caos de morte súbita de orixe cardíaca abrindo novas perspectivas para previr e predicir este tipo de doenzas. Achega española deste traballo coordinouna a doutora María Brión do grupo de cardioloxía xenética do IDIS.