O libro Corresponsabilidade familiar e empregos do tempo no ámbito universitario mide o nivel de conciliación entre o profesorado da USC

O libro Corresponsabilidade familiar e empregos do tempo no ámbito universitario. O persoal docente e investigador da Universidade de Santiago de Compostela realiza un achegamento á medición do nivel de conciliación e corresponsabilidade entre o profesorado da Universidade compostelá. Esta obra presentarase publicamente este martes 3 de xuño a partir das 12.30 horas na Sala de Prensa do Colexio de San Xerome. Está previsto que interveñan o reitor Juan Casares; a vicerreitora de Responsabilidade Social e Calidade, Benita Silva; a secretaria xeral de Igualdade, Susana López Abella; a directora da publicación, a profesora María Xosé Rodríguez Galdo; e o director do Servizo de Publicacións e Intercambio Científico, Juan Blanco Valdés. Como se recolle na publicación, a análise pormenorizada do uso ou emprego do tempo subministra datos de “extraordinaria importancia a hora de investigar o nivel de corresponsabilidade familiar, de maneira especial, nun grupo que podería pensarse lideraría os avances na igualdade real de homes e mulleres. A autoría deste volume, edición recaeu na profesora Mª Xosé Rodríguez Galdo, corresponde a Xosé Cordero Torrón, Fausto Dopico Gutiérrez del Arroyo, Mª Pilar Freire Esparís, Elisa Jato Seijas, Eduardo Pis Sánchez.