A Aula de Teatro celebra esta semana a primeira quenda das probas de acceso para a súa próxima produción

A Aula de Teatro da USC celebrará esta semana, entre o martes 3 e o xoves 5, a primeira quenda das probas de acceso para a súa próxima produción teatral ‘Sweeney Todd. O barbeiro diabólico de rúa Fleet’. As probas celebraranse na Sala de Teatro Roberto Vidal Bolaño, no Auditorio da Universidade, a partir das 11.00 horas. A segunda quenda de probas terá lugar os días 2 e 3 de setembro, entre as 18.00 horas e as 21.00 horas na mesma sala de teatro Roberto Vidal Bolaño. A próxima estrea da Aula de Teatro é unha adaptación do musical de Stephen Sondheim e parte do libreto de Hugh Wheeler. Participará na produción desta montaxe a Orquestra do Espazo de Cámara da USC. Para ampliar información, todas as persoas interesadas poden dirixirse aos teléfono 8818 11021 e 8818 11103.