A USC colecta cinco primeiros postos na décimo sétima edición do Campionato galego universitario de deportes colectivos

A Universidade de Santiago proclamouse campioa en cinco modalidades das doce disputadas esta semana na décimo sétima edición do Campionato Galego Universitario de deportes colectivos. A competición enfrontou a deportistas das tres universidades galegas nas modalidades de baloncesto, balonmán, voleibol e rugby, todas elas nas modalidades feminina e masculina, e fútbol 11 masculino e fútbol 7 feminino. Os equipos da USC proclamáronse campións nas modalidades de baloncesto masculino, voleibol masculino e feminino, fútbol sala masculino e fútbol 11 masculino. Pola súa banda, a Universidade de Vigo acadou catro primeiros postos e a da Coruña outros tres.