A Universidade Popular Autónoma de Puebla outorga o seu doutoramento honoris causa en Ciencias Sociais ao profesor Francisco Puy Muñoz

O profesor Francisco Puy Muñoz vai sumar ao seu currículo o doutoramento honoris causa en Ciencias Sociais que lle acaba de outorgar a Universidade Popular Autónoma do Estado de Puebla, en México. É un recoñecemento coa que a institución mexicana subliña a “vasta traxectoria académica, reflectida principalmente na súa valiosa e amplísima achega ao coñecemento do Dereito Natural e a súa especial preocupación pola súa divulgación a través de numerosas publicacións”. O acto de investidura está programado para o vindeiro mes de agosto nunha cerimonia académica no Campus Central da cidade de Puebla (México), no marco do XIII Encontro Internacional de Centros de Cultura co lema ‘Universidad y cultura a través del torbellino de la posmodernidad’. Este recoñecemento súmase aos doutoramentos honoris causa concedidos con anterioridade a Puy Muñoz por parte das universidades Sagrado Coraçao de Bauru (Brasil), Santo Tomás (Chile) e Belgrano (Bos Aires), así como á Gran Cruz Académica pola Universidade Católica do Uruguai (Montevideo) e ao Magister Honoris Causa outorgado pola Escola Xudicial de México. Xa en España, foi merecedor da Cruz de Honra de San Raimundo de Peñafort.