Última semana para matricularse nos cursos de idiomas do segundo cuadrimestre

O Centro de Linguas Modernas da USC oferta para este cuadrimestre novos cursos de árabe, catalán, checo, chinés, danés, lingua de signos, portugués, ruso, xaponés, inglés, galego para non galegofalantes e español para estranxeiros. A matrícula, aberta a toda aquela persoa maior de 16 anos, péchase o vindeiro 8 de febreiro. En concreto, en Santiago haberá cursos de 40 horas de árabe, catalán, checo, chinés, danés, lingua de signos, portugués, ruso e xaponés e en Lugo cursos de lingua de signos e de inglés, este último de 40 horas presenciais e outras tantas de traballo autónomo. Ademais, nos dous campus impartirase galego para non galegofalantes e cursos intensivos de español para estranxeiros en febreiro (coa matrícula do 7 ao 15 dese mes) e regulares ao longo de todo o cuadrimestre (matrícula do 7 de marzo ao 1 de abril).