A USC retoma as actividades acuáticas dirixidas a persoas con algún tipo de discapacidade

A Universidade de Santiago retoma no presente curso as actividades acuáticas desenvolvidas na piscina universitaria para persoas con algún tipo de discapacidade, iniciativa que xa ten comezado a súa programación e na que os/as usuarios/as dispoñen de monitores especializados. Esta é unha actividade, como no resto de actividades, aberta tanto para a comunidade universidade como para a sociedade en xeral. O desenvolvemento das distintas sesións de traballo resposta a un tratamento individualizado das necesidades de cada usuario/a, atendendo deste xeito as súas particularidades e diversidade funcional. Con esta iniciativa, a USC vai prestar atención a un colectivo para o que, en moitos casos, non existe unha oferta de actividades deportivas adaptada.