Presentación das actividades deportivas no Campus de Lugo para o segundo cuadrimestre

Do 1 de febreiro ao 31 de maio desenvolveranse no Campus de Lugo as actividades deportivas correspondentes ao segundo cuadrimestre, tanto as dirixidas para a comunidade universitaria como para o público en xeral.

A oferta deportiva presentarase en rolda de prensa este martes 31 ás 11.00 horas na Sala de Prensa da Vicerreitoría de Coordinación do Campus de Lugo. Participan o vicerreitor de Estudantes, Cultura e Formación Continua, Francisco Durán; o responsable da área de Deportes no Campus lugués, Jesús Castro; e o director da Área de Deportes da USC, Mariano García-Verdugo.