O primeiro simposio internacional sobre a narrativa de Rosalía desenvólvese este sábado na USC

‘Unha arma no barro’ é o título do I Simposio Internacional sobre a narrativa de Rosalía de Castro que se desenvolverá este sábado 22 no Centro de Estudos Avanzados Organizado polo grupo de investigación Rosalía de Castro e o Centro de Investigación de Procesos e Prácticas Culturais Emerxentes, o simposio inaugurarase ás 10.00 horas coa presentación do catedrático Darío Villanueva. A continuación intervirán as investigadoras do mencionado grupo Margarita García Candeira, María López Sández, Manus O’Duibhir e María do Cebreiro Villar. A xornada continuará cunha conferencia da investigadora da Universidade de Nottingham Catherine Davies titulada ‘Flavio y el mundo natural’. Xa pola tarde, a partir das 16.00 horas, terá lugar a conferencia ‘Rosalía de Castro, bromista: estilo y época’ a cargo de Andrew Ginger, da Universidade de Bristol. Seguiralle Lou Charnon-Deutsh, da Universidade Stony Brook, titulada ‘Emotional Competency and Reason: Castro’s Exploration of the Epistemic Shift Bounded’.

Este primeiro simposio rematará coa presentación, ás 19.30 horas, do monográfico da revista Grial ‘Novas olladas sobre Rosalía de Castro’.