Continúa aberta a matrícula para obter na USC o Diploma de Español como Lingua Estranxeira

O Centro de Linguas Modernas da USC é dende hai anos sede examinadora dos Diplomas de Español como Lingua Estranxeira (DELE) que outorga o Instituto Cervantes. No centro compostelán realízanse dúas convocatorias de exames, en novembro e maio, destes títulos oficiais acreditativos do grao de competencia e dominio do idioma español. Na convocatoria de novembro, prevista para os días de 7 a 9 de novembro, poderanse realizar os diplomas B2, C1 e C2. Para iso, as persoas interesadas deberán inscribirse antes do 5 de outubro no propio CLM, emprazado na Casa dos Catedráticos (Campus Vida).