Presentación do II Congreso Internacional da Sociedade Científica de Odontoloxía Implantolóxica

Preto de medio centenar de relatores de Italia, Alemaña, Estados Unidos, Corea, Taiwan e Suíza traerán a debate a Compostela as principais novidades que no campo da práctica clínica e a investigación se están a desenvolver na implantoloxía odontolóxica. Será no transcurso do segundo congreso internacional da Sociedade Científica de Odontoloxía Implantolóxica (SCOI), ao que está prevista a asistencia de aproximadamente 300 profesionais e representantes das principais empresas do sector. Os principais detalles do programa presentaranos en rolda de prensa este mércores 24 os profesores da Facultade de Odontoloxía, Gonzalo López Castro e Mercedes Gallas. A comparecencia ante os medios de comunicación comezará ás 11.00 horas na Sala de Prensa do Colexio de Fonseca. Os avances tecnolóxicos na cirurxía guiada, próteses implantarias biolóxicas, a patoloxía periimplantaria, rexeneración ósea, enxertos óseas ou complicacións implantolóxicas son algúns dos temas que integran o programa a desenvolver entre os días 25 e 27 próximos.