O grupo Herrm da Fábrica de Sons ofrece o luns un recital en Veterinaria

Enmarcado no ciclo Músicas na Vidrieira, o grupo Herrm ofrece un recital este luns 9 ás 14:00 horas na Facultade de Veterinaria de Lugo. Composto por docentes e alumnos da Fábrica de Sons, Herrm interpretará temas pop de distintas etapas da súa carreira. Os vindeiros concertos deste ciclo que organiza Lugo Cultural serán o 23 de maio a cargo do Conservatorio Profesional de Música e o 1 de xuño por distintas rúas de cidade a modo de clausura.