Un experto en márketing dixital intervén esta tarde no Máster Universitario de Dirección de Empresas da USC

O experto en Márketin Roger Cusa, cunha ampla experiencia profesional en prestixiosas multinacionais como Ferrero e Corporación Puig, intervén na tarde deste mércores 3, ás 17:00 horas na Facultade de Económicas, dentro das actividades do Máster Universitario de Dirección de Empresas (MBA).
Roger Cusa é graduado en Marketing con distinción e First Class Honors na UC Berkeley e na Stanford University e International MBA polo Instituto de Empresa cun Fellow Award en Marketing. A súa inquedanza emprendedora levouno a crear recentemente unha exitosa empresa de publicidade por internet.