Un obradoiro explora os conceptos matemáticos a través dos xogos

‘Xogos e matemáticas’ é o lema dun obradoiro que este xoves comezou na Facultade de Ciencias da Educación do Campus Norte e que se vai estender ata o próximo mércores 12.
Organizado no marco do Día Escolar das Matemáticas, tenta popularizar o coñecemento desta área de coñecemento empregando os xogos como ferramenta didáctica para traballar conceptos matemáticos.
Baixo a dirección de Teresa Fernández Blanco e de Mª Jesús Salinas Portugal, o obradoiro celébrase na Sala María Barbeito da Facultade compostelá en horario de 10 a 14 e de 16 a 20 horas coa colaboración de alumnos de 3º de Educación Infantil.