Pecha o prazo de inscrición para o curso de fotografía Fotocultur 2, que se desenvolverá en Lugo

O prazo para a inscrición no curso de fotografía Fotocultur 2 remata este venres 20. A actividade enmárcase dentro do programa ‘Espazo 2008-2009’, que pon en marcha a Vicerreitoría de Cultura e que vai ter lugar na aula de fotografía do campus, situada no pavillón central da Facultade de Veterinaria, desde o 2 de marzo ata o 30 de abril.
O curso será impartido por Eduardo Ochoa todos os luns, martes e xoves, de 20:00 a 21:30 horas, cun total de 40 horas lectivas. O contido do curso centrarase na realización de traballos prácticos, a experimentación a través de procesos de relación con outras áreas e a creación dun grupo fotográfico na USC.
Os interesados poden apuntarse na Vicerreitoría de Cultura do Campus de Lugo, Praza de Pío XII, 3. Os seleccionados deberán abonar tras a súa admisión, 40 euros, para a comunidade universitaria, ou 70 euros, para o resto dos inscritos. As 16 prazas das que dispón o curso cubriranse por rigorosa orde de inscrición.
O prezo do curso é de 60 euros para público en xeral e de 30 para os membros da comunidade universitaria. A matrícula pode realizarse na Oficina de Cultura do campus lugués, situada na praza Pío XII, ou chamando ao teléfono 982 28 59 00, extensión 21513.