A Universidade estudará o papel dos sanitarios nos proxectos de cooperación nun curso de verán

A Universidade de Santiago celebrará do 15 ao 17 de xullo no Salón de Actos da Facultade de Medicina de Santiago o curso de 30 horas lectivas ‘Dereito á saúde: o papel dos profesionais sanitarios nos proxectos de cooperación’, co obxectivo de describir os obxectivos da OMS cara o milenio.
Neste seminario, dirixido por Ernesto Smyth Chamosa, darase a coñecer aos asistentes as actividades das ONGs en temas relacionados coa saúde cos mais desfavorecidos.
A finalidade é preparar ao persoal sanitario como se fora acudir a un destino, para remarcar a importancia de enfermidades esquecidas e o rexurdir de novas enfermidades, nos mais desfavorecidos.
A taxa xeral de matrícula para este curso, que se desenvolverá ata o 17 de xullo, é de 120 euros. Existe un prezo reducido, de 70 euros, para estudantes universitarios, persoas desempregadas e PDI e PAS da USC. O prazo para a inscrición, tanto a través internet como por vía presencial (ata o 3 de xullo), xa está aberto.