A USC e a Fundación Alcer Coruña celebran este mércores en Santiago o Día do Doador de Órganos e Tecidos

Co gallo do Día do Doador/a de Órganos e Tecidos este mércores 3 de xuño, a USC e a delegación de Santiago de ALCER Coruña instalarán mesas informativas en diferentes puntos da cidade nas que ademais estudantes voluntarios da Escola Universitaria de Enfermaría realizarán medicións de tensión arterial.
Os detalles desta campaña explicaranos en rolda de prensa este martes 2 a directora da Escola Universitaria de Enfermería da USC, Mª Jesús Nuñez Iglesias; e os delegados de Alcer en Santiago Dolores Casais, José Manuel Riesgo e Clara de Saá.
Neste encontro cos medios, ás 11:30 horas na Sala de Prensa do Colexio de Fonseca, falarase da importancia da doazón e transplante de órganos e da colaboración desde os distintos ámbitos da sociedade para lograr acadar a maior información e prevención posible.