Estudantes galegos de ensino medio achegáronse á ciencia nunha Master Class de Partículas Elementais coordinada polo CERN

Cincuenta estudantes de 22 centros de secundaria de toda Galicia participaron este venres na Facultade de Física da USC na Master Class de Partículas Elementais que, coordinada polo Centro Europeo de Física de Partículas (CERN), pretende aproximar aos mozos europeos á ciencia.
A clase maxistral comezou con dúas conferencias xerais sobre a Física de Partículas, aceleradores e detectores a cargo dos profesores J. Álvarez Muñiz e Carlos Pajares Vales. A continuación desenvolveuse simultaneamente con once Universidades europeas unha práctica na que os estudantes identificaron as partículas que aparecen en rexistros realizados en detectores.