A Licenciatura en Xeografía celebra este venres o acto de graduación dunha nova promoción

A promoción de licenciados en Xeografía que este curso 2008-2009 remata os seus estudos celebrará este venres 17 o seu acto de graduación nunha sesión que se vai celebrar no Paraninfo da Universidade a partir das 18:00 horas.
Baixo a presidencia do vicerreitor de Oferta Docente e Espazo Europeo de Educación Superior, Máximo Pló, e co profesor Ramón Blanco Chao como padriño da promoción, a sesión inclúe a proxección dunha montaxe audiovisual centrada nos protagonistas principais deste período que agora remata.