Unhas xornadas exploran as posibilidades didácticas e pedagóxicas do xadrez

O xadrez como recurso didáctico e pedagóxico é o tema central dunhas xornadas que se van celebrar na Facultade de Ciencias da Educación ao longo de catro sesións entre os meses de abril e maio. Aínda que inicialmente dirixidas aos integrantes do propio centro compostelán, as xornadas están abertas tamén aos membros das demais titulacións da USC.
Con esta acción formativa, cuxo prazo de inscrición remata o día 10 de abril, búscase dar a coñecer o xadrez como recurso didáctico e impulsar experiencias educativas relativas ao seu uso. A través do ensino das técnicas básicas do xogo búscase potenciar a interacción entre os asistentes e achegar estratexias necesarias para empregar o xadrez como recurso educativo.
Esta actividade está recoñecida cun crédito de libre configuración para todas as titulacións. Para acadar máis información, as persoas interesadas poden dirixirse ao enderezo carolinaroo [at] hotmail.com (carolinaroo[at]hotmail[dot]com)