Continúa aberto o prazo de matrícula para as escolas deportivas do Campus de Santiago

A Área de Deportes da USC mantén aberto este mes o prazo de inscrición para as escolas deportivas no Campus de Santiago. Esta actividade está orientada a todos os membros da comunidade universitaria e ten como obxectivo a promoción e potenciación do deporte.
As escolas, que comezan a partir do 20 de abril, desenvolveranse principalmente no Pavillón Polideportivo e nos Campos de Fútbol e de Hoquei. No primeiro, haberá Baloncesto e Voleibol, os martes de 19:30 a 21:30 horas, e Balonmán, os luns de 17:30 a 19:30 horas. Os mércores poderá practicarse fútbol sala, masculino e feminino. Nos Campos de fútbol e de Hoquei haberá os luns, de 17:00 a 18:30 horas e de 18:30 a 20:00 horas, Fútbol masculino e feminino, respectivamente.
Os interesados poderán ademais gozar de xornadas de portas abertas en todas estas actividades os días 13 (Balonmán), 14 (Baloncesto, Voleibol e Fútbol) e 15 de abril (Fútbol sala).
As inscricións xa poden realizarse na Oficina da Área de Deportes, na Piscina Universitaria ou chamando ao 981-563.100, extensións 15070, 15071, 15072, 15073 ou 15076.