Finaliza o xoves a matrícula para os cursos intensivos de idiomas do CLM para este verán no Campus lugués

O Centro de Linguas Modernas (CLM) do Campus de Lugo celebrará ao longo do verán curso intensivos de alemán, francés, Inglés, Italiano e Portugués. O prazo para matricularse en calquera dos cursos, que se celebrarán do 13 ao 24 de xullo, remata este xoves 9.
Estes cursos están dirixidos especialmente a alumnos da USC que vaian ir a unha universidade europea cunha bolsa Sócrates-Erasmus durante o curso 2009/10, aínda que tamén están abertos a outros alumnos maiores de 16 anos con necesidades e intereses semellantes. Nos cursos de alemán, inglés e francés non se admitirá alumnos que non teñan algún tipo de coñecementos previos destas linguas.
Todas as clases, 40 horas lectivas, desenvolveranse na Facultade de Humanidades en horario de mañá, de 9:30 a 14:00 horas. O prezo da matrícula para os estudantes da USC será de 150 euros, e de 175 para o externos.
Os estudantes poden matricularse a través da seguinte páxina, http://matricula.usc.es/Cursos/CLM/Default_veran.asp