Guerra e conflitividade no último número da revista Semata

Os profesores Ramón Villares Paz e Miguel Cabo Villaverde son os responsables da coordinación do número 19 da Revista de Ciencias Sociales e humanidades Semata que esta vez se presenta baixo o epígrafe monográfico ‘Guerra, violencia e conflitividade na Historia’.
Este novo volume presentarase este mércores 12, ás 12:00 horas na Sala de profesores da Facultade de Xeografía e Historia, nun acto ao que, ademais dos dous docentes, asisten o vicerreitor de Cultura, Elias J. Torres Feijó; o director académico do Servizo de Publicacións e Intercambio Científico da usc, Antonio Azaustre; a decana da Facultade de Xeografía e Historia, Maria del Mar Llinares; e o director da revista, Justo Beramendi.