Nova charla do ciclo de xenética médica a cargo do investigador Xabier Bello Paderne

O investigador Xabier Bello Paderne, do Grupo de Medicina Xenómica-Xenómica Comparada, Evolución Molecular e Bioinformática (CIBERER) da USC, amosará este venres, día 28, ás 13:00 horas no CHUS, os resultados das súas investigacións sobre a historia evolutiva dos elementos transponibles.
En concreto falará da súa capacidade de infectar novas especies saltando a barreira interespecífica como estratexia evolutiva para a persistencia a longo prazo, ao permitirlles evitar os mecanismos de silenciamento dos organismos que parasitan.