Este xoves elíxense na USC os representantes de estudantes no Claustro
Celébranse tamén eleccións de representantes nos Consellos de Departamento
Os estudantes de primeiro, segundo e terceiro ciclo e de posgrao propio elixirán este xoves, día 24, os seus representantes no Claustro Universitario da USC. A xornada de votación será das 10:30 ás 18:30 horas nos centros asignados segundo o sector ao que pertenzan.
Tamén este xoves terá lugar a elección de representantes nos Consellos de Departamento do Persoal Docente e Investigador a tempo parcial e investigadores en formación, de estudantes e de PAS.