Presentación do programa de actos da III edición do Día do Emprendedor

A Universidade de Santiago de Compostela participará un ano máis na celebración da III edición do Día do Emprendedor, que se celebrará no Centro de Empresas e Innovación do Concello de Lugo o 15 de maio.
O Salón de Plenos do Concello acollerá este martes 6, ás 12:00 horas, a presentación do programa de actos desta celebración, na que acompañarán á concelleira de Promoción do Emprego, Sonia Méndez, o vicerreitor de Coordinación do Campus de Lugo, Carlos Herrero; o presidente da Fundación CEL, Luis García Santalla; o presidente da Cámara de Comercio, Alfredo Mosteirín, e o vicepresidente da Asociación de Jóvenes Empresarios de Lugo, Rubén López.