A USC organiza o Campionato Galego Universitario PDI-PAS

A Área de Deportes da USC organiza para o sábado, día 31, en Lugo o Campionato Galego Universitario PDI-PAS. Todas as persoas interesadas poden anotarse ata o vindeiro mércores 14.
As modalidades colectivas son baloncesto masculino, fútbol sala feminino e fútbol sete masculino. Nas actividades individuais, competirase en esgrima, squash, tenis, tiro con arco, tenis de mesa e haberá unha carreira pedestre de 6 quilómetros, aproximadamente.
Para os deportes en grupo, a Área de Deportes contará cun seleccionador para confeccionar os equipos. A partir do 16 de maio, elaborarase e publicarase o programa definitivo que se achegará a todos os participantes.
A matrícula formalizarase na Oficina de Deportes do Campus de Lugo (Biblioteca Intercentros), na Oficina do Campus de Santiago (Piscina Universitaria), no correo electrónico deporsec [at] usc.es (deporsec[at]usc[dot]es) e nas extensións 15071, 15073, 23584 e 42336.