Preséntase o número 20 da revista Semata, monográfico dedicado aos estudos de xénero

‘En femenino. Voces, miradas, territorios’ é o título do número 20 da Revista Semata que este luns, día 24, se presenta ás 13:00 horas na Sala de Profesores da Facultade de Xeografía e Historia. O volume é un monográfico dedicado aos estudos de xénero no que participan expertos de varias Universidades españolas.
No acto, presidido polo vicerreitor de Cultura, Elías Torres, participarán as coordinadoras da edición, as profesoras Montserrat Villarino Pérez, Ofelia Rey Castelao e Rocío Sánchez Ameijeiras; o decano da Facultade de Xeografía e Historia, Juan Monterroso; e o director da publicación, Xusto Beramendi.