Comezaron as clases de tenis na USC

Comezaron as clases de tenis na Universidade de Santiago. As actividades, nas que aínda se poden inscribir novos participantes, celébranse tanto nas pistas exteriores do Campus Sur de Santiago como nas instalacións do Pavillón Polideportivo da USC.
A Área de Deportes organizará grupos da Escola ata o vindeiro sábado, día 18. O prazo para anotarse nun equipo xa está aberto para todos os membros da comunidade universitaria. O resto poderá matricularse a partir do mércores 8. Para realizar calquera actividade deportiva débese estar en posesión do Cartón Deportivo, cunha vixencia dun curso académico.
As persoas interesadas en obter máis información e inscrición poden acudir ás oficinas da Área de Deportes, emprazadas na Piscina Universitaria, nas extensións 15070, 15071, 15072, 15073 e 15076 ou a través da páxina web.