Presentación do convenio de colaboración entre a USC e o Club de Fútbol Sala Lobelle

O vicerreitor de Comunidade Universitaria e Compromiso Social, José M. Mayán Santos, e o presidente do Club de Fútbol Sala Lobelle, José A. Lobelle Quintillán, presentarán este venres 17 ás 12:00 horas na sede da vicerreitoría compostelá (r/ Casas Reais, 8) os detalles do convenio de colaboración subscrito entre ambas partes.
Polo acordo alcanzado, a USC ofrecerá aos xogadores do Lobelle que ao mesmo tempo sexan estudantes universitarios a posibilidade de acceder a prazas do Servizo Universitario de Residencias. Pola súa banda, o club deportivo ofrecerá descontos no carné de socio aos membros da comunidade universitaria.