Cursos de inglés e francés para PAS no Centro de Linguas Modernas

Os membros do Persoal de Administración e Servizos dos campus de Santiago e de Lugo poderán matricularse gratuitamente nas prazas que queden dispoñibles nos cursos de inglés e francés que oferta o Centro de Linguas Modernas.
Deste xeito, e logo de que finalice a inscrición xeral o día 15 deste mes, todo aquel traballador interesado deberá matricularse os días 16 e 17 de outubro a través de internet (http://matricula.usc.es/clm) ou excepcionalmente de maneira presencial no Negociado do CLM no edificio da Facultade de Filoloxía de Santiago e no Edificio Intercentros (Alumnado) de Lugo, en horario de mañá.
As probas de nivel previas á matricula terán lugar o día 13 de outubro nos dous Campus, en horarios que varían en función dos idiomas. As clases comezarán o día 15.