Novas actividades deportivas na USC para o mes de decembro

A Área de Deportes da Universidade de Santiago convoca para este mes de decembro novas actividades deportivas. Piragüismo, escalada cartografía e rutas de sendeirismo forman a oferta dirixida a todos os membros da comunidade universitaria.
A Escola de Piragüismo desenvolverase nas tardes dos venres do 12 de decembro ao 20 de xuño, mentres que o curso de iniciación á escalada terá lugar os días 15, 16 e 18 de decembro en horario de mañá ou tarde. Simultaneamente, eses días impartirase o curso de cartografía na sala de xuntas da piscina universitaria.
SendeirismoA primeira ruta de sendeirismo deste mes de decembro, a do sábado 13, descorrerá entre Cambados e Arousa, cunha lonxitude aproximada de quince quilómetros. Xa o sábado 20 a ruta será polo Pico Sacro e Compostela, cunha dificultade media e unha distancia de dezanove quilómetros.