A Vicerreitoría de Coordinación do Campus de Lugo e o Club Cultural Valle-Inclán organizan o ciclo 'O lume, unha ollada diferente'

A Vicerreitoría de Coordinación do Campus de Lugo e o Club Cultural Valle-Inclán presentarán este mércores, día 14, en roda de prensa o ciclo de relatorios e mesas redondas ‘O lume, unha ollada diferente’. Á presentación asistirán o vicerreitor de Coordinación, Carlos Herrero Latorre, e a presidenta do club, Tonina Gay.
Durante os días 15, 22 e 27 de marzo, varios profesores e investigadores da Escola Politécnica Superior de Lugo analizarán na Escola de Formación do Profesorado as causas estruturais, posibles medidas de prevención e o control do lume.