A XII promoción da especialidade de Enfermaría Obstétrico-Xinecolóxica (matronas) celebra o seu acto de clausura

A XII promoción da especialidade de Enfermaría Obstétrico-Xinecolóxica (matronas) celebra este mércores, día 23, o seu acto de clausura nunha cerimonia que terá lugar ás 13:00 horas na Aula do Departamento da Escola Universitaria de Enfermaría de Santiago baixo a presidencia do vicerreitor de Comunidade Universitaria e Compromiso Social, José Manuel Mayán Santos.
Acompañarán na mesa presidencial ao vicerreitor o director da Escola de Enfermaría da USC, Juan Manuel Fernández Varela; a subdirectora operativa de Enfermaría do CHUS, María del Carmen Carpintero Rama; a xefa do Servizo de Integración de Coidados da Dirección Xeral da División de Asistencia Sanitaria do Servizo Galego de Saúde, Isabel Campos Pardo; e a coordinadora da Unidade Docente de Galicia da Especialidade de Enfermaría Obstétrico-Xinecolóxica (Matronas), Mercedes González Peteiro.
No acto tamén intervirá a representante da XII Promoción, María del Carmen Grandío Ferreiro, e se lles fará entrega aos novos residentes dun agasallo conmemorativo.