Presentación da programación cultural e deportiva da USC

O vicerreitor de Cultura da Universidade de Santiago, Elías Torres, presentará en rolda de prensa este xoves, día 18, a programación cultural e deportiva da institución docente para o curso académico 2007-2008.
A presentación desenvolverase ás 11:00 horas na Sala de Prensa do Colexio de Fonseca e a ela asistirán tamén o director da Área de Cultura da USC, Pablo Sampedro; o da Área de Deportes, Mariano García-Verdugo; e o coordinador de planificación deportiva, Xosé Luis Veiga.