Xoves 23, ás 12.00 horas
Paseo Central da Alameda, s/n.
Esta mostra itinerante preséntase en Santiago de Compostela como un espazo de reflexión sobre a simboloxía da ditadura.
A mostra preséntase en cinco etapas, desde a Persistencia do franquismo ás Ausencias de memoria. O traxecto descóbrenos as Veladuras do franquismo retirado pero recuperable, as Amnesias que debuxan unha auténtica cartografía do terror e as Expropiacións de significado de lugares e símbolos.
A mostra inclúe preproducións fotográficas de espazos e simboloxía franquista que perduran ou que foron esquecidos pola cidadanía de Santiago de Compostela e unha cartografía interactiva que trae ao espazo público os lugares de morte e enterramento en Galicia durante a Guerra Civil.