Iniciativa promovida pola Área de Cultura da Deputación de Lugo e a Área de Cultura do Campus Terra en lembranza da primeira visita realizada por García Lorca a Galicia en 1916
A presentación dos poemas galegos de Lorca musicados recollerá 'Cantiga do neno da tenda', a cargo de Noelia Geada e David Taboada; 'Danza da lúa en Santiago', a cargo de Nebra; 'Romance da Nosa Señora da Barca', a cargo de Infrarroja; 'Nouturno do adolescente morto', a cargo de Muruáis e Monsalve; 'Canción de cuna para Rosalía de Castro, morta', a cargo de Condensadores de Fluzo; e 'Chove en Santiago', a cargo de Carlos Díaz.
Para reservar a túa praza debes enviar un correo a cultura.lugo [at] usc.es (cultura[dot]lugo[at]usc[dot]es) a partir do venres anterior a cada evento, facilitando o teu nome completo, DNI e teléfono. As reservas recibirán confirmación e todos os eventos serán retransmitidos por streaming.
O ciclo cultural 'Proxecto Lorca' é unha viaxe arredor da figura e da pegada que deixou García Lorca en Galicia, tanto a través da súa escrita como tamén da súa vida cultural no primeiro terzo do século XX.