Esta iniciativa reune a persoas expertas en comunicación para compartir coñecementos e experiencias ao redor dos medios de servizo público europeos
O III Workshop ‘Novos valores e tendencias de medios audiovisuais públicos europeos’ convida a profesores e investigadores de dez universidades españolas a debatir, a través da plataforma virtual Teams, sobre os valores e tendencias dos medios audiovisuais de comunicación públicos europeos na actualidade.
Ao longo das dúas xornadas, as persoas participantes presentarán o avance dos seus estudos, expoñendo temas relacionados coas tendencias, os retos, o financiamento, e o valor do servizo público europeo.
Este evento está organizada polo equipo do proxecto de investigación RTI2018-096065-B-I00 do Programa Estatal de I+D+i orientado aos Retos da Sociedade do Ministerio de Ciencia, Innovación e Universidades e do Fondo Europeo de Desenvolvemento Rexional (FEDER), que lideran os profesores Francisco Campos Freire e Miguel Túñez López, do grupo de investigación de Novos Medios.