O reitor Antonio López presidirá a entrega dos galardóns da VII edición dos Premios Valentín Paz Andrade de Investigación en Economía de Galicia.
Antonio López, reitor da USC, levará acabo a apertura do acto, que irá seguida da lectura da Acta do xurado por Maria Dolores Riveiro García, Directora do IDEGA, e a correspondente entrega de galardóns e intervencións dos premiados.
Tamén estará presente Agustín Hernández Fernández de Rojas, Presidente do Consello Económico e Social de Galicia, que acompañará ao reitor durante o peche do acto.
Estes galardóns están convocados conxuntamente con carácter anual polo Consello Económico e Social de Galicia e o IDEGA, co obxecto de premiar aqueles traballos de investigación que contribúan ao mellor coñecemento da realidade económico-social de Galicia e ao establecemento das mellores políticas para contribuír ao benestar dos seus cidadáns.