Volta a Universidade de Verán tras ser suspendida en 2020, por primeira vez en máis de trinta anos, a causa da pandemia da COVID-19
Este curso da Universidade de Verán pretende revisar as bases fisiolóxicas e biolóxicas do ictus isquémico cerebral, descrición da historia do tratamento do ictus, indicacións por imaxe (TC, RM) do tratamento endovascular, describir os distintos sistemas de trombectomía e que o alumnado saiba realizar unha trombectomía.
Podes consultar o programa completo nesta ligazón. A duración desta acticvidade formativa, de 25 horas lectivas, abrangue do 22 ao 25 de xuño.
A USC recoñece a asistencia ao 80% deste curso (como mínimo) con dous créditos ECTS para o seu alumnado de grao.
As prazas están limitadas 30 por mor da situación sanitaria, e a matrícula, cuxo prazo remata o 11 de xuño, conta cunha taxa xeral e outra reducida para estudantes universitarios, de bacharelato ou de formación profesional, pensionistas, desempregado/as, socios da Asociación de Antigos alumnos da USC e PDI e PAS da USC.