O Instituto de Acuicultura colabora co Clúster Acuiplus na organización dunha xornada sobre innovación sostible neste sector

O Instituto de Acuicultura colabora co clúster Acuiplus na organización dunha xornada aberta que aborda o concepto de innovación en acuicultura co finalidade de traballar no fortalecemento e desenvolvemento sostible. Coa representación dos diferentes actores implicados na cadea de valor da acuicultura, están previstas tres mesas redondas nas que se abordarán os retos de innovación en acuicultura, a identificación dos axentes de innovación e como fomentar a cooperación e, finalmente, a sustentabilidade neste sector.

A xornada celebrarase o mércores 3 de abril de 9.15 a 12.30 horas no Instituto de Acuicultura coa participación de investigadores das universidades de Santiago e Vigo, así como do Instituto Galego de Formación en Acuicultura, de Anfaco-Cecopesca, do Centro Tecnolóxico do Mar, do Instituto para o Crecemento Sostible da Empresa, do Centro Tecnolóxico do Clúster da Acuicultura de Galicia, de Ipac Acuicultura, de Natac Group ou de Steinsvik.