Evento organizado polo Museo de Historia Natural da Universidade de Santiago de Compostela
O obradoiro infantil 'Reciclando cos cinco sentidos', impartido pola licenciada en Bioloxía Ana Abad, está dirixido a rapazada de 6 a 12 anos e celebrarase o vindeiro venres 29 de outubro de 17.00 a 19.00 horas. O prezo da actividade é de 4 euros por persoa e require reservar praza alo menos con dous días de antelación á data do obradoiro.
Os obxectivos desta actividade, que se desenvolverá a través de xogos, son sensibilizar sobre a problemática dos residuos a nivel global, promover actitudes orientadas ao consumo responsable, a redución de residuos e a súa reciclaxe, fomentar a reflexión persoal e aprender a identificar e separar residuos.
O evento desenvolverase por grupos de mínimo 15 persoas e máximo 20. Podes consultar máis información na web do MHN, no teléfono 881 816 350 ou no enderezo visitas.museohistorianatural [at] usc.es (visitas[dot]museohistorianatural[at]usc[dot]es)