A USC toma parte na I Feira Virtual de Emprego de Universia
O evento que conta coa participación da Área de Orientación Laboral e Emprego desenvolverase os días 1 e 2 de decembro
Santiago de Compostela
A USC participa os días 1 e 2 de decembro na primeira edición da Feira Virtual de Emprego de Universia a través dun espazo expositor. Neste evento danse cita empresas que apoian o talento novo e a empregabilidade. A Área de Orientación Laboral e Emprego difundirá información sobre todas as actividades que realiza para fomentar a empregabilidade dos estudantes e titulados, como é o caso da plataforma de emprego, o proxecto mentoring, os módulos de formación en competencias para o emprego, así como outros recursos informativos.
Ademais, publicarase información dos mestrados, formación de posgrao e actividades e servizos que ofrece a USC aos seus estudantes. A inscrición pode formalizarse nesta ligazón.