Centro comercial As Cancelas
Organizada polo CiTIUS en colaboración co centro comercial As Cancelas
O Centro Singular de Investigación en Tecnoloxías Intelixentes promove a exposición '#SomosQuen: Científicas preto de Ti' no Día Internacional das Mulleres e as Nenas na Ciencia. Recolle os testemuños de investigadoras do eido da tecnoloxía en distintas fases da súa carreira, que reflexionan sobre o seu papel como mulleres e científicas do CITIUS. As súas mensaxes están dirixidas a nenas e rapazas de todas as idades.
O obxectivo desta iniciativa é dobre: por unha banda, servir de inspiración e contribuír a espertar novas vocacións investigadoras entre as nenas e rapazas que aínda non decidiran o seu futuro académico; por outro, a mostra trata tamén de promover e divulgar o labor científico desenvolvido polo CiTIUS como centro de investigación de referencia, poñendo especialmente en valor o papel da muller no ámbito da tecnoloxía.
Situada no centro comercial As Cancelas, poderá visitarse dende hoxe ás 11 ata a última hora da tarde do xoves 17 de febreiro.