O Servizo de Deportes retomará en abril as rutas de montaña

O Servizo de Deportes da USC retomará o vindeiro mes de abril o seu programa de rutas de montañas, unha actividade de maior dificultade que o sendeirismo, ben polo desnivel, pola lonxitude ou polo terreo por onde transcorrerán os traxectos deseñados.

A primeira das propostas previstas será o 21 de abril cunha ascensión ao Faro (Caurel), ao que lle seguirán outras dúas rutas: o 12 de maio por Manzaneda dende Chandrexa de Queixada e o 9 de xuño ao Monte Pindo. Para participar nestas rutas é necesario estar federado/a en montañismo. No caso de non estalo, a USC ofrece a posibilidade de formalizar este trámite a través do Club USC.

As rutas estarán guiadas por persoal da Fundación USC Deportiva, a quen se poderán dirixir todas aquelas consultas ou dúbidas técnicas sobre estas actividades, a través do correo electrónico natureza [at] fundacionuscdeportiva.org (natureza[at]fundacionuscdeportiva[dot]org). A programación proposta para os vindeiros meses, e que se está previsto que teña continuidade no vindeiro outono coincidindo co comezo do novo curso 18/19, enmárcase dentro da planificación anual de actividades de natureza do Servizo de Deportes da USC.